Си Цзиньпин Дональд Трампқа: Путин Украинаға қарсы соғысына өкінуі мүмкін

Financial Times басылымының мәліметінше, Бейжіңдегі кездесу кезінде Қытай төрағасы Си Цзиньпин АҚШ президенті Дональд Трампқа Владимир Путиннің Украинаға қарсы соғысты бастағанына кейін өкінуі мүмкін екенін айтқан.

Басылым дерегіне сүйенсек, бұған дейін Қытай басшысы Ресей президенті мен Украинадағы соғысқа қатысты ашық пікір білдіруден тартынып келген. 

FT дереккөздерінің мәлімдеуінше, бұл жолы Сидің сөздері бұрынғы кездесулермен салыстырғанда қатаңырақ болды. Алайда Украинадағы соғысқа қатысты талқылаудың нақты мазмұны жарияланған жоқ. 

Сондай-ақ басылым Трамптың АҚШ, Қытай және Ресейге Халықаралық қылмыстық сотқа қарсы бірлесіп әрекет етуді ұсынғанын жазды. Ал Қытай Сыртқы істер министрлігі бұл ақпаратты жоққа шығарып, Financial Times жариялаған мәліметті «шындыққа жанаспайтын ойдан шығарылған ақпарат» деп атады. 

Бұл ақпарат Владимир Путиннің Қытайға сапары қарсаңында тарап отыр. Ресей президенті Си Цзиньпиннің шақыртуымен Пекинге 19-20 мамыр күндері барады. Кремльдің хабарлауынша, көшбасшылар халықаралық және өңірлік маңызды мәселелерді талқылап, келіссөздер қорытындысы бойынша бірлескен мәлімдемеге қол қоймақ. Еске салайық, Трамптың Пекинге сапары 13-15 мамыр аралығында өтіп, тараптар мұнай мен ұшақ сатып алу туралы маңызды келісімдерге келген болатын.

Жарылқасын Шұғыла