Оңтүстік Кореяның экс-президенті қайта қамауға алынды

Оңтүстік Кореяның бұрынғы президенті Юн Сок Ёль тағы да тұтқындалды. Reuters агенттігінің хабарлауынша, сот оның қайта қамауға алынуына ордер беріп, Юн Сок Ёль жалғыз адамға арналған камераға қамалды.

Былтыр желтоқсанда экс-президент елде әскери төтенше жағдай енгізуге тырысып, парламент тарапынан мемлекеттік төңкеріс жасауға әрекеттенді деп айыпталған еді. Сол кезде оған импичмент жарияланды.

Прокуратураның мәліметінше, Юн Сок Ёль Солтүстік Кореяның үстінен әскери дрон ұшыруға бұйрық беріп, қарсы тараптың шабуылын арандату арқылы елде әскери режим енгізуді жоспарлаған.

Юн алғаш рет қаңтарда тұтқындалған. Сол кезде билік оның Сеулдегі резиденциясына арнайы операция жүргізіп, оны күшпен ұстаған. Алайда наурызда сот техникалық себептермен бұлтартпау шарасын жойып, экс-президентті босатқан. Соған қарамастан, оған қатысты сот процесі жалғасып жатыр. Юн Сок Ёль өмір бойына бас бостандығынан айырылуы немесе өлім жазасына кесілуі мүмкін.

Айта кетейік, маусым айында Оңтүстік Кореяда мерзімінен бұрын президент сайлауы өтіп, Демократиялық партия өкілі Ли Чжэ Мён жаңа президент болып сайланған.