“Ес-түссіз жатыр” деген Иранның жоғарғы көсемі халыққа үндеу жасады

Иранның жоғарғы жетекшісі Мұжтаба Хаменеи денсаулығына қатысты тараған ақпараттардан кейін халыққа үндеу жасады. Бұл туралы Tasnim агенттігі хабарлады.

Басылым мәліметінше, үндеу соңғы уақытта оның ауыр жағдайда жатқаны туралы тараған ақпараттарға жауап ретінде жарияланған. Осылайша ресми Тегеран батыс барлау қызметтерінің деректерін жоққа шығаруға тырысты.

Хаменеи өз сөзінде Иран Ормуз бұғазын басқару тәсілдерін қайта қарастыратынын мәлімдеді. Сондай-ақ АҚШ пен Израильмен болған әскери қақтығыс салдарынан келген шығын үшін өтем талап етілетінін айтты.

Бұған дейін бірқатар шетелдік БАҚ Иран көшбасшысы ауыр жағдайда екенін хабарлаған еді.