$ 509.63 € 592.34 ₽ 6.54

Coldplay концертіндегі құшақ: Вирустық видео бас директорды қызметінен айырды

Редакция
21 шілде 2025, 10:12
АҚШ-тағы Coldplay тобының концертінде түсірілген бейнежазба әлеуметтік желіде кең тарап, технологиялық компанияның бас директорын қызметінен кетуге мәжбүр етті. Видеода қос жұп көпшіліктің алдында құшақтасып тұрған сәті алып экранға түсіп қалып, бұл көрініс көрермендер мен желі қолданушыларының назарын аударды.
Coldplay концертіндегі құшақ: Вирустық видео бас директорды қызметінен айырды Сурет авторы: Бейнеден скриншот

Көп ұзамай, бейнежазбадағы ер адам – Astronomer атты IT компаниясының бас директоры Энди Байрон екені анықталды. Оның қасында тұрған әйел — сол компанияның кадрлар бөлімін басқаратын Кристин Кэбот. Бұл қос тұлғаның кәсіби байланысы мен видеодағы әрекеті көпшілік тарапынан күдік пен сынға ұшырады.

Камера екеуін концерт кезіндегі “kiss cam” түсіріп алғаннан кейін олар бір сәтке камерадан жасырынып қалғысы келді. Бірақ бұл әрекет олардың бейнесін вирустық контентке айналудан құтқара алмады. Қоғамдық қысым артқан соң, компания ресми мәлімдеме жасап, Энди Байронның өз еркімен қызметінен кеткенін хабарлады. Мәлімдемеде мұндай әрекеттер компанияның ішкі мәдениеті мен кәсіби этикасына сай келмейді деп атап өтілді.

Автор: Әмір Жәнібек

#Coldplay #Astronomer #Энди Байрон #Кристин Кэбот

Соңғы жаңалықтар