Бұрғылайды, тегістейді, сырлайды: Италияда робот көмекші жұмыс істеді

Италияда құрылыс алаңында алғаш рет робот жұмыс істеді. Робот бұрғылап, тегістеп, сырлап, ауыр заттарды көтеріп көрді. Құрылысшылар күнде жасайтын, бірақ қауіпті әрі ауыр жұмыстарды орындады, деп хабарлайды Reuters.com 

Мамандардың айтуынша, бұл – құрылыс алаңдарында еңбек қауіпсіздігін арттыруға бағытталған маңызды қадам.

Инженерлер болашақта роботты адамға көп тәуелді болмай, өздігінен жұмыс істейтіндей еткісі келеді. Жоспар орындалса биік ғимараттарда жұмыс істеу, қауіпті заттарды тасу немесе ескі үйлерді бұзу сияқты қатерлі істерді адамдардың орнына роботтар істейтін болады деп болжап отыр.

Аталмыш роботты іске қосудың басты мақсаты - құрылыс саласында жарақат алу қаупін азайтып қана қоймай, жұмыс өнімділігін арттыру.

Автор: Рахат Жора