Бариста Ресейде ресми мамандыққа айналды

Хабаровск қаласының тұрғыны Игорь Костюков 2026 жылдан бастап бариста мамандығын елдің ресми кәсіптер тізіміне енгізуге қол жеткізді. Енді бұл мамандық 100655 коды бойынша ресми түрде танылады.

Бұған дейін баристалар кофеханаларда жұмыс істегенімен, олардың қызметі заң жүзінде нақты бекітілмеген еді.

Игорь Костюков жыл сайын Хабаровскіде кофе чемпионаттарын өткізіп, кофе өндірісіне экскурсиялар ұйымдастырады. Сонымен қатар Coffee Center School атты мектебінде болашақ баристаларды кәсіби түрде дайындайды. Игорь Ресейдегі кофе саласында «Жыл адамы» атағына ие болған.

Енді кофе саласында жұмыс істейтін азаматтар еңбек нарығында заңды құқықтарға ие болады, әлеуметтік кепілдіктер мен кәсіби білім алып, мансаптарын сенімді түрде жалғастыра алады.

Автор: Әмір Жәнібек