$ 462.91 € 542.16 ₽ 6.16

АҚШ Ормуз бұғазында қалып қойған бейтарап елдердің кемелерін шығару операциясын бастайды

Абдрахманов Мағжан
04 мамыр 2026, 10:54
АҚШ Ормуз бұғазында қалып қойған бейтарап елдердің кемелерін шығару операциясын бастайды Сурет авторы: AP photo

АҚШ Ормуз бұғазында қалып қойған бейтарап елдердің кемелерін шығару үшін арнайы операция бастайды. Бұл туралы АҚШ президенті Дональд Трамп мәлімдеді.

Оның айтуынша, «Project Freedom» деп аталатын операция 5 мамыр күні Таяу Шығыс уақытымен басталады. АҚШ әскери күштері бұғаздан шығуға тырысқан бейтарап елдердің кемелерін ілесіп алып шығады.

Трамп бұл шешім үшінші елдердің өтінішінен кейін қабылданғанын айтты. Оның сөзінше, бұғазда қалған кемелер қақтығысқа қатысы жоқ және жағдайдың құрбаны болып отыр.

АҚШ президенті операцияны «гуманитарлық қадам» деп атады. Ол кемелердегі экипаж мүшелерінде азық-түлік пен қажетті ресурстар азайып жатқанын атап өтті. Сонымен қатар шығарылған кемелер аймақ қауіпсіз болғанға дейін бұғазға қайта кірмейді.

Трамп операцияға кедергі келтірілсе, оған күш қолдану арқылы жауап берілуі мүмкін екенін ескертті. Ал Иран тарапы АҚШ-тың араласуын атысты тоқтату режимін бұзу ретінде бағалайтынын мәлімдеді.

#АҚШ #Ормуз бұғазы #Кеме #Таяу Шығыс

Соңғы жаңалықтар