$ 469.52 € 553.75 ₽ 6.15

АҚШ Олимпиада комитеті трансгендер әйелдердің әйелдер жарысына қатысуын шектеді

Редакция
23 шілде 2025, 17:31
2025 жылдың шілде айында АҚШ Олимпиада және Паралимпиада комитеті (USOPC) трансгендер спортшыларға қатысты жаңа шешім қабылдады. Енді трансгендер әйелдер әйелдер арасындағы жарыстарға қатыса алмайды. Бұл талап 2025 жылдың 1 тамызынан бастап күшіне енеді.
АҚШ Олимпиада комитеті трансгендер әйелдердің әйелдер жарысына қатысуын шектеді Сурет авторы: GLAAD

USOPC бұл шешімді АҚШ үкіметінің биылғы ақпанда жариялаған «Әйелдер спортын қорғау туралы» жарлығына (Executive Order 14201) сүйене отырып қабылдады. Жарлық биологиялық тұрғыда ер адамдардың әйелдер арасындағы жарыстарға қатысуына тыйым салады. Бұл бастама Дональд Трамптың ұсынысымен енгізілген болатын.

Комитет президенті Джин Сайкс пен бас директор Сара Хиршланд бірлескен мәлімдемесінде:

"Біз федералды заң талаптарын орындауға міндеттіміз. Әйелдер спортындағы қауіпсіздік пен әділеттілік - басты ұстанымымыз", – деп мәлімдеді.

Жаңа ереже бойынша, трансгендер әйелдер енді әйелдер жарысына қатыса алмайды. Бірқатар ұлттық федерациялар, соның ішінде USA Fencing, өз регламенттерін осыған сәйкес жаңарта бастады.

USOPC шешімі 1978 жылғы Тед Стивенстың Олимпиадалық және әуесқой спорт туралы заңына негізделген. Аталған заң федералды үкімет пен спорт ұйымдары арасындағы тығыз байланысты және заң талаптарын орындауды көздейді.

Алайда бұл шешім АҚШ-тың ұстанымын Халықаралық Олимпиада комитетінің (IOC) қазіргі саясатына қайшы қылып отыр. IOC трансгендер әйелдердің жарысқа қатысуына рұқсат береді, бірақ олардың тестостерон деңгейі сияқты биологиялық көрсеткіштеріне шектеу қояды.

Сондай-ақ, World Athletics және басқа да халықаралық спорт ұйымдары бұл мәселеге әртүрлі тәсіл қолдануда: кейбірі трансгендер спортшыларды мүлде жарысқа қатыстырмаса, енді бірі медициналық сараптама негізінде рұқсат береді.

Автор: Әмір Жәнібек

#Трансгендер #Спорт

Соңғы жаңалықтар