Жапаров екінші мерзімге түспек: Қырғызстанда президент сайлауының күні белгіленді

Қырғызстан Президенті Садыр Жапаров елдегі кезекті президент сайлауын 2027 жылғы 27 қаңтарда өткізуге қатысты жарлыққа қол қойды. Бұл туралы Қырғызстан президентінің баспасөз қызметі хабарлады.

Құжаттың мақсаты – сайлаудың заңға сай, ашық әрі әділ өтуін қамтамасыз ету, азаматтардың сайлау құқығын сақтау және барлық қатысушыға тең жағдай жасау.

Қырғызстан Конституциясына сәйкес, президенттікке 35 жасқа толған, мемлекеттік тілді меңгерген және елде  кемінде 15 жыл тұрған Қырғызстан азаматы үміткер бола алады. Президенттікке кандидат ретінде тіркелу үшін кемінде 30 мың сайлаушының қолын жинау қажет.

Қазіргі президент Садыр Жапаров бұған дейін алдағы сайлауға қатысатынын мәлімдеген. Президенттікке түсуге ниетті екенін Қырғызстанның бұрынғы ішкі істер министрі Өмүрбек Суваналиев те айтқан.