$ 461.55 € 540.38 ₽ 6.15

Зеленский: Украина атыс тоқтағаннан кейін кез келген форматта келіссөзге дайын

Редакция
23 сәуір 2025, 04:34
Зеленский: Украина атыс тоқтағаннан кейін кез келген форматта келіссөзге дайын Сурет авторы: AP Photo / Yves Herman

Украина президенті Владимир Зеленский 22 сәуір күні өткізген баспасөз мәслихатында соғыс қимылдары тоқтаған жағдайда Украина Ресеймен кез келген форматта келіссөз жүргізуге дайын екенін мәлімдеді. Бұл туралы "Суспільне" телеарнасы хабарлады.

Қырым мен НАТО мәселесі жайлы

Зеленский Қырымды Ресейдің құрамына беру мүмкін еместігін атап өтті:

«Бұл – біздің жеріміз, Украин халқының жері. Бұл туралы келіссөз жүргізудің өзі Конституциямызға қайшы», – деді ол.

Сондай-ақ ол Украинаға НАТО-ға кіру мәселесіне тек альянсқа мүше елдер ғана вето қоя алатынын айтты.

АҚШ-тың келіссөзден шығуы туралы

Зеленский Вашингтонның келіссөз процесінен шығуын қаламайтынын жеткізді.

«Біз Америка бұл көмектен бас тартқанын мүлде қаламаймыз. Өйткені бұл тек көмек туралы емес – бұл барлау мәліметтері, баллистика және адам өмірі туралы. Жалпы, меніңше, бұл – Украина секілді стратегиялық серіктесті жоғалту деген сөз», – деді ол.

АҚШ пен ЕО өкілдерімен кездесу

23 сәуірде Лондонда Украина, Еуропа және АҚШ өкілдері қатысатын кездесуде соғысты тоқтату перспективалары талқыланады. Жиынға АҚШ президентінің арнайы өкілі Кит Келлог қатысады деп күтіледі.

Соңғы жаңалықтар