Зеленский әуе компанияларға Ресей үстімен ұшу қауіпті екенін ескертті

Украина президенті Владимир Зеленский Ресей аумағына ұшқышсыз ұшу аппараттарының тұрақты шабуылдарына байланысты ел аспаны азаматтық авиация үшін қауіпті болып бара жатқанын мәлімдеді. Ол әуе компанияларын осы қатерді ескеруге шақырды.

Зеленский Украина азаматтық авиацияға қауіп төндіргісі келмейтінін айтып, бірақ Ресей аспанында ұшқышсыз ұшу аппараттары болатынын ескеру қажет екенін жеткізді. Ол әсіресе Мәскеу мен Санкт-Петербург бағытындағы рейстерге назар аударуға шақырды.

«Біз жазықсыз адамдардың қаза тапқанын қаламаймыз. Сондықтан серіктестерімізге ескертеміз: Ресей аспанында қауіпсіз орын қалмады», – деді Зеленский.

Украина президенті Киев пен Мәскеуде жұмыс істейтін шетелдік дипломаттарды бұл мәліметті өз үкіметтері мен әуе тасымалдаушыларына жеткізуге шақырды.

Украина Сыртқы істер министрлігі мен салалық ведомстволар Ресей аспанындағы қауіптер туралы халықаралық ұйымдарға егжей-тегжейлі есеп жолдамақ.

Ресей президенті Владимир Путин Зеленскийдің бұл мәлімдемесін «терроризмге өтінім» деп атады. ШЫҰ саммиті аясындағы баспасөз мәслихатында ол Ресейдің бұған жауап беретінін айтты.

Украина 2022 жылғы ақпаннан бері Ресей аумағындағы нысандарға ұшқышсыз ұшу аппараттарымен соққы жасап келеді. Ал Украина аспаны Ресейдің зымыран және дрон шабуылдарына байланысты азаматтық рейстер үшін жабық күйінде қалып отыр.