Израиль Газадағы әскери операцияны тоқтатуға келісті – араағайындар

ХАМАС өкілінің мәлімдеуінше, араағайын елдер Израильдің 2 тамыздан бастап Газа секторындағы әскери операцияларын тоқтатуға келіскені туралы ақпаратты қозғалыс басшылығына жеткізген. Бұл туралы Сауд Арабиясының Asharq Al-Awsat басылымы хабарлады.

Басылым дерегінше, АҚШ, Мысыр және Қатардың арағайындығымен жүргізілген келіссөздер барысында Израильдің ұстанымы өзгергені айтылған. Алайда Израиль үкіметі бұл ақпаратқа әзірге ресми түсініктеме берген жоқ.

Дереккөздердің мәліметінше, Израиль кабинетінің ресми шешімі 3 тамызда өтетін үкімет отырысынан кейін жариялануы мүмкін.

Соған қарамастан, 2 тамызда Газа секторында қақтығыстар жалғасты. Палестина тарапы Израилдің әуе соққыларынан бейбіт тұрғындардың қаза тапқанын хабарлады. Өз кезегінде Израиль армиясы ХАМАС-тың екі қолбасшысының көзін жойғанын мәлімдеді.

АҚШ, Израиль және Еуропалық одақ ХАМАС қозғалысын террористік ұйым деп таниды.