$ 469.93 € 541.64 ₽ 5.71

Ғарышта сирек кездесетін оқиға: SpaceX зымыраны Айға соғылады

Редакция
05 тамыз 2026, 10:25
Ғарышта сирек кездесетін оқиға: SpaceX зымыраны Айға соғылады Сурет авторы: AFP via Getty Images

5 тамыз күні сағатына 8 700 шақырым жылдамдықпен ұшқан «SpaceX» компаниясының Falcon 9 зымыран тасығышы Ай бетіне соғылады деп күтілуде, деп хабарлайды BBC. АҚШ-тың НАСА агенттігі 2025 жылдың қаңтар айында ұшырылған зымыранның жоғарғы бөлігі ғарышта бұрылып, кездейсоқ Жер серігінің траекториясына түскенін растады.

Ғалымдардың болжамынша, салмағы 4 тоннадан асатын бес қабатты ғимараттай зымыран бөлшегі Эйнштейн кратерінің маңына құлайды. Соққы нәтижесінде диаметрі 17 метрден асатын жаңа шұңқыр пайда болып, Ай бетінен 50 шақырым биіктікке дейін шаң-тозаң көтеріледі.

Ғарыш зерттеушілері бұл оқиғаның Жерге ешқандай қауіп төндірмейтінін хабарлады. Меншікті атмосферасы мен ауырлық күші нашар Ай бетіндегі бұл соқтығыс ғылым үшін бірегей экспериментке айналмақ. АҚШ, Оңтүстік Корея телескоптары мен орбиталық зондтар соққы сәтін, шаң бұлтын және пайда болған кратерді жан-жақты зерттейді.

Аталған оқиға ғарышта адам қолымен жасалған қоқыстардың тым көбейіп кеткенін тағы бір мәрте дәлелдеп отыр. Еуропалық ғарыш агенттігінің (ESA) мәліметінше, қазіргі уақытта Жер орбитасында көлемі 10 сантиметрден асатын 54 мыңнан астам қаңқа жүзген. Тарихта бұған дейін де (2022 жылы) қытайлық зымыран бөлшегі Айдың арғы бетіне құлаған болатын.

 

#Falcon 9 #Ғарыш қоқысы #Ғарыштық зерттеулер #Астрономия #Эйнштейн кратері #ESA #Ғарыш жаңалықтары

Соңғы жаңалықтар