Жаһандық жылынудың басты себебі не?

БҰҰ Бас хатшысының климаттық өзгеріс жөніндегі бұрынғы кеңесшісі, Нобель сыйлығының лауреаты Рае Квоң Чуң қазіргі ұрпақтың жаһандық жылынумен күресу шараларын шұғыл қолға алуы керектігін ескертеді. Оның айтуынша, климаттық дағдарыстың салдары болашақ ұрпаққа ауыр тиеді, ал қазір әрекетсіздікке жол беру олардың өміріне қауіп төндірумен тең.

Чуң мырза көптеген халықаралық жиын мен келіссөзге қатысқанына қарамастан, көптеген елдің берген уәделерін орындамай отырғанын айтады. Оның пікірінше, қазіргі жаһандық жылынудың басты себебі – еркін нарықтың шектен тыс үстемдігі. Бұл нарық жүйесі мемлекеттерді ең арзан энергия көздерін пайдалануға итермелеп отыр, ал бұл өз кезегінде атмосфераға көмірқышқыл газының көптеп тарауына себеп болып отыр.

«Мәселені шешудің бірден-бір жолы – тұрақты нарық жүйесін құру және жасыл энергия көздеріне көшу. Иә, бұл оңай емес, жасыл энергия қымбатқа түседі, себебі біз атмосфераға көмірқышқыл газын шығармау үшін қосымша ақы төлеуіміз керек. Бірақ бұл құрбандық болашақ ұрпақтың амандығы үшін жасалып отыр. Олар бұл қадам үшін бізге алғыс білдіретіні сөзсіз», – деді Чуң мырза.