Зеленский: Соғыс басталғалы бері 700-ден астам бала қаза тапты

Украина президенті Владимир Зеленский 2022 жылдың ақпанында басталған ауқымды соғыс қимылдары кезінде кемінде 707 украиналық баланың қаза тапқанын мәлімдеді. Оның айтуынша, әрбір қаза болған бала – болашағынан айырылған тағдыр, сондықтан бұл қылмыстар үшін жауаптылар міндетті түрде жауапқа тартылуы тиіс. 

Украина Сыртқы істер министрлігінің мәліметінше, соғыс салдарынан 2,5 мыңнан астам бала жарақат алған, ал 2,3 мыңнан астамы хабарсыз кеткендер қатарында. Сонымен қатар ведомство 20 мыңнан астам украиналық баланың Ресей аумағына заңсыз әкетілгенін немесе күштеп көшірілгенін мәлімдеді. Олардың тек 2212-сі ғана елге қайтарылған. 

БҰҰ-ның 2026 жылғы сәуірдегі деректеріне сәйкес, Украинадағы соғыс салдарынан кемінде 15 578 бейбіт тұрғын қаза тапқан. Олардың арасында 784 бала бар. Сондай-ақ 43 мыңнан астам адам жарақат алған, оның ішінде 2668 бала бар. 

Жарылқасын Шұғыла