Ыстанбұл жағалауларынан мина табылды

Ыстанбұлдың Шиле ауданына қарасты Ағва ауылының жағалауында азаматтар теңізде белгісіз затты байқап, бұл туралы аудандық жандармерияға айтқан, деп хабарлады Haber Turk.

Хабарлама бойынша оқиға орнына жандармерия мен Жағалау күзеті командалығына қарасты топтар жіберілді.

Алғашқы тексеру нәтижесінде табылған заттың теңіз минасы екені анықталды. Қауіпсіздікті қамтамасыз ету мақсатында Ағва жағажайы мен Ағва шамшырағының маңында арнайы қауіпсіздік шаралары қабылданды.

Мина 23 желтоқсан күні таңертең арнайы мамандардың қатысуымен залалсыздандырылатыны хабарланды.