Трамп Украина бейбітшілікке жету үшін аумағының бір бөлігінен бас тартуы тиіс деп санайды

АҚШ-тың жаңадан сайланған президенті Дональд Трамп өткен бейсенбіде Ресей президенті Владимир Путинмен телефон арқылы сөйлесті, деп хабарлады The Washington Post ақпарат көздеріне сілтеме жасап. Әңгіме барысында Трамп Ресей президентіне Украинадағы соғысты өршітпеуге кеңес берді, сондай-ақ Вашингтонның Еуропада едәуір әскери күші бар екенін еске салды.

Трамп «Украинадағы соғысты тезірек шешуді» талқылау үшін келесі сұхбаттарға қызығушылық танытты. Сонымен бірге, Трамп өзінің президенттік науқанында Украинадағы соғысты дереу тоқтататынын айтты, бірақ егжей-тегжейін жарияламады. Путинмен сұхбатында ол Ресей басып алған аумақтың бір бөлігін сақтап қалу туралы келісімді қолдайтынын анық айтты.

Атап айтқанда, Трамп Украина бейбітшілік үшін Қырым сияқты территориясының біразынан бас тартуы тиіс деп санайды. Ол сондай-ақ Украинаға ертерек келісім жасау тиімді деп санайды, өйткені ел сарбаздарынан, бейбіт тұрғындарынан және инфрақұрылымынан айырылып жатыр.