Трамп америкалықтарға 5 мың доллардан беретінін мәлімдеді

АҚШ президенті Дональд Трамп қарашадағы аралық сайлауда республикашылдар Конгрестегі бақылауын сақтап қалса, әрбір кәмелетке толған америкалыққа 5 мың доллардан төлеуге уәде берді. Ол бұл төлемді «Трамп дивиденді» деп атады.

Трамп бұл ұсынысын Далласта өткен Республикалық партияның аралық сайлау съезінде жариялады. Алайда қаражаттың қандай тетікпен және қай көзден төленетіні әзірге белгісіз. Reuters мәліметінше, мұндай төлемнің заңға сәйкестігі де әлі анық емес.

АҚШ-та 18 жастан асқан шамамен 270 млн адам тұрады. Егер олардың барлығына 5 мың доллардан берілсе, бағдарламаға шамамен 1,35 трлн доллар қажет болады.

АҚШ-та аралық сайлау 3 қарашада өтеді. Республикашылдар Конгрестің кемінде бір палатасындағы басымдығынан айырылып қалу қаупімен бетпе-бет келіп отыр. Reuters/Ipsos сауалнамалары демократ сайлаушылардың дауыс беруге ынтасы жоғары екенін, ал Трамптың қолдау деңгейі төмендегенін көрсеткен.

Съезде Трамп сайлаушыларды республикашылдарға дауыс беруге шақырып, алдағы апталарда бәсеке жоғары штаттар мен сайлау округтеріне бірнеше рет баруға ниетті екенін айтты.