Трамп: "АҚШ-та тек екі жыныс ресми түрде мойындалады – еркек және әйел"

АҚШ-тың жаңадан сайланған президенті Дональд Трамп өзінің президенттік қызметіне кірісетін 2025 жылдың қаңтарында "трансгендерлік ессіздікке" нүкте қоятынын мәлімдеді.

22 желтоқсанда Финиксте өткен AmericaFest конференциясында сөйлеген сөзінде Трамп ресми үкіметтік саясат тек екі жыныстың – еркек пен әйелдің бар екенін мойындайтынын атап өтті.

Ол балаларға жасалатын "жыныстық өзгерту операцияларын" тоқтату туралы жарлыққа қол қоятынын және трансгендерлердің әскерде қызмет етуі мен мектептерде жұмыс істеуіне тыйым салатынын жеткізді. Сонымен қатар Трамп ерлердің әйелдер спортына қатысуына жол бермейтінін айтты.