Путин Wildberries қоймаларына жасалған шабуылдарға алғаш рет пікір білдірді

Ресей президенті Владимир Путин Wildberries қоймаларына жасалған шабуылдарға алғаш рет пікір білдіріп, олардың айтарлықтай салдары болмағанын мәлімдеді.

Ол бұл туралы Ұлттық жобалар және стратегиялық даму кеңесінің отырысында айтты.

«Мұндай шабуылдардың айтарлықтай салдары жоқ, болған емес және болмайды да. Бірақ, әрине, зиянын тигізіп жатқаны анық. Мұны түсінеміз, көріп отырмыз және білеміз», – деді Путин.

Шілдеден бері Украина Ресейдің бірнеше қаласындағы Wildberries қоймаларына дрондармен соққы жасап келеді. Шабуылдар салдарынан бірнеше адам қаза тауып, компанияның ірі қоймалары өртенген.

Бұған дейін Wildberries қоймаларындағы өрттен шамамен 6 млрд доллардың тауары жанып кеткені айтылған еді. Бұл сома Ресейдегі ірі облыстардың бірінің жылдық бюджетімен шамалас.