Қытай әлемдік саудада АҚШ-ты басып озды

Қытай сыртқы сауда көлемі бойынша АҚШ-ты басып озды, деп хабарлады Finratings.kz.

2024 жылдың қорытындысы бойынша:

• Қытайдың сыртқы сауда айналымы – 6,2 трлн доллар

• АҚШ-тың сыртқы саудасы – 5,3 трлн доллар

Салыстыру үшін: 2000 жылы Қытайдың сауда көлемі небәрі 474 млрд доллар болса, АҚШ-та бұл көрсеткіш 2 трлн долларды құрады. Осылайша, 24 жыл ішінде Қытайдың сауда көлемі 1200%-ға артқан (жылына орта есеппен 11,3%), ал АҚШ – 167%-ға (жылына 4,2%).

Қытайдың геосаяси ықпалы да өсті. Егер 2000 жылы Қытай Куба, Иран, Мьянма, Солтүстік Корея сияқты санаулы елдердің басты сауда серіктесі болса, 2024 жылы ол:

• Азия

• Таяу Шығыс

• Африка

• Океания

• Шығыс Еуропа

• Оңтүстік Америка

сияқты аймақтардағы бірқатар мемлекеттердің басты экономикалық серіктесіне айналды.

Сауда соғыстары мен тарифтер шешуші рөл атқарды

АҚШ-тың, әсіресе Дональд Трамп әкімшілігі кезіндегі, жоғары тарифтер енгізуі көптеген елдердің сауда бағытын қайта қарауына түрткі болды. Осылайша, Қытай икемді және тұрақты серіктес ретінде әлемдік нарықта өз позициясын күшейтті.