Қамшыбек Ташиевке сот үкімі шықты

Қырғызстан мемлекеттік ұлттық қауіпсіздік комитетінің бұрынғы төрағасы Қамшыбек Ташиевке қатысты сот үкімі жарияланды. Сот оны төрт жылға бас бостандығынан айырып, жазаны пробациялық бақылаумен өтеуге ауыстырды.

Осылайша Ташиев түрмеге жіберілмейді. Алайда төрт жыл бойы пробация талаптарын сақтауға міндетті. Егер бұл талаптарды бұзса, бас бостандығынан айыру жазасы орындалуы мүмкін.

Ташиевпен бірге сотталған бұрынғы бас прокурор Курманкул Зулушев, Жогорку Кеңештің бұрынғы төрағасы Нұрланбек Тұрғынбек уулу және Бекболот Талғарбеков, Аалы Қарашев, Эмиль Ұзақбаев, Курсан Асанов, Құрманбек Дыйқанбаев та дәл осындай жаза алды.

Қамшыбек Ташиевке билікті күшпен басып алуға дайындалды және қызметтік өкілеттігін асыра пайдаланды деген айып тағылған болатын. Бұған дейін мемлекеттік айыптаушы барлық айыпталушыны тоғыз жылға бас бостандығынан айыруды сұраған еді.

Бұл іс «75-тің хаты» деген атаумен белгілі болды. Биыл ақпанда 75 саясаткер мен қоғам қайраткері президент Садыр Жапаровқа кезектен тыс президент сайлауын өткізуді ұсынған хат жолдаған. Осыдан кейін Ташиев қызметінен босатылды.

Ташиев пен басқа айыпталушылар тағылған айыптарды мойындамайды.