Иранда президент сайлауы қашан өтетіні белгілі болды

Иранда президент Ибрахим Раисидің қайтыс болуына байланысты бес күндік аза тұту жарияланды. Онымен және тікұшақ апатының басқа да құрбандарымен қоштасу сейсенбі, 21 мамырда Тебризде басталады. Иранның рухани көсемі аятолла Әли Хаменеи Тегеранда салтанатты рәсім өткізіп, Раиси бейсенбі, 23 мамыр кешке өзінің туған жері Мешхед қаласында жерленеді, деп хабарлайды Qrnews тілшісі BBC-дің орыс қызметіне сілтеме жасап.

Ал Иран билігі президент сайлауына дайындықты бастап кетті. Мемлекеттік БАҚ-тың жазуынша, ол 28 маусымда өтеді.

Иран президенті Ибрахим Раиси елдің рухани көсемі Аятолла Әли Хаменеидің әлеуетті мұрагері болып саналды.

Раиси Әзірбайжанмен шекаралас таулы аймақта тікұшақ апатынан қаза тапты. Тікұшақта онымен бірге Сыртқы істер министрі, сондай-ақ Иранның Шығыс Әзірбайжан провинциясының губернаторы Малик Рахмети және Табриз провинциясының аятолласы Али Хашим болған. Апаттың себептері әлі анықталған жоқ. Тікұшақ қиын таулы рельефте, қою тұман кезінде ұшқан.