$ 446.56 € 512.34 ₽ 5.3

Украина Тоқаевтың қақтығысты тоқтату туралы мәлімдемесіне үн қатты

Абдрахманов Мағжан
26 шілде 2026, 15:33
Украина Тоқаевтың қақтығысты тоқтату туралы мәлімдемесіне үн қатты Сурет авторы: Украина президентінің баспасөз қызметі

Украина сыртқы істер министрі Андрей Сибига Қазақстан президенті Қасым-Жомарт Тоқаевтың Ресей мен Украина арасындағы соғысты тоқтату жөніндегі ұсынысын қолдады. Ол Тоқаевтың Владимир Путинге айтқан сөзін «шынайы, уақтылы әрі парасатты үндеу» деп бағалады. 

«Президент Тоқаевтың Путинге соғысты тоқтататын уақыт келгенін айтқанын құптаймыз. Бұл – шынайы, уақтылы әрі парасатты үндеу», – деп жазды Сибига X желісінде.

Украина СІМ басшысының айтуынша, Киев бұған дейін соғысты қазіргі майдан шебі бойында тоқтатып, дипломатиялық келіссөзге көшуді ұсынған. Алайда Кремль бұл жолды қабылдамай отыр. 

«Путиннің баспасөз хатшысы Қазақстан президентінің ұсынысын да қабылдамады. Түйіні – Мәскеу шынайы бейбіт ұсыныстарды қабылдауы үшін оған қысымды күшейту қажет», – деді Сибига. 

Бұған дейін Тоқаев Омбыда Путинмен кездесуде Ресей мен Украина арасындағы қақтығысты уақытша тоқтатып, «Ыстанбұл 2.0» келіссөз үлгісіне оралуды ұсынған еді. Кремль өкілі Дмитрий Песков бұған жауап ретінде қазіргі жағдайда қақтығысты тоқтата тұру «мүмкін емес» екенін мәлімдеді. 

#Андрей Сибига #Украинадағы соғыс #Ресей-Украина соғысы #Тоқаев

Соңғы жаңалықтар