Енді Астанадан Бурабайға 3300 теңгеге 2,5 сағатта бара аласыздар

Астана тұрғыны Threads әлеуметтік желісінде №888/887 Burabay Express пойызының жайлылығы жоғары (комфорт класс) вагонынан бейнежазба жариялап, көпшіліктің назарын аударды.

Жол жүру ақысы таңдалған класқа байланысты 3 300-ден 7 700 теңгеге дейін барады. Бірінші класта ересектер билеті 7 700 теңге, ал балалар билеті (15 жасқа дейін) 4 438 теңге тұрады.

Вагондардың жабдықталуы:

• Бірінші класс: Арқалығы реттелетін жұмсақ орындықтар мен жеке үстелдер қарастырылған. Жолаушылар дербес мультимониторлардан фильмдер көре алады. Әр орында USB-қуаттағыштар бар және борттық тағамдар ұсынылады.
• Екінші класс: Мультимедиялық панельдермен, бейнебақылау жүйесімен және қуаттау нүктелерімен жабдықталған. Сондай-ақ сусындар мен жеңіл тағамдар сатылатын буфет жұмыс істейді.
• Үшінші класс: Мұнда қозғалысы шектеулі жандарға арналған арнайы орындар, велосипед тұрағы, ыңғайлы орындықтар мен санитарлық аймақтар бар.

Қозғалыс кестесі:

Пойыз аптасына бес рет қатынайды. Барлық вагонда интернет желісі (Wi-Fi) қосылған.

• Астанадан шығу: 11:00
• Щучьеге жету: 13:35
• Жолдағы уақыт: 2 сағат 35 минут.
• Кері қайту (Щучьеден): 14:15
• Астанаға оралу: 17:00