Жаңа жылда қазақстандықтар қалай демалады?

2025 жылдың соңы мен 2026 жылдың басында қазақстандықтар бірқатар мерекелік демалыс күндеріне ие болады. Бес күндік жұмыс режиміндегі азаматтар желтоқсанда 9 күн, ал қаңтарда 12 күн демалмақ. Бұл туралы Tengri Life мерекелік күнтізбеге сүйене отырып хабарлайды.

 

Желтоқсан айындағы негізгі мерекелік күн — 16 желтоқсан, Тәуелсіздік күні. 2025 жылы бұл күн сейсенбіге түсетіндіктен, аптаның ортасында қосымша бір күндік демалыс беріледі. Алты күндік жұмыс аптасында да бұл күн ресми демалыс болып саналады.

 

Сонымен бірге көпшіліктің сұрағына жауап ретінде ведомство 31 желтоқсанның жұмыс күні болып қалатынын ескертті. Еңбек және халықты әлеуметтік қорғау министрлігі бұл күн мемлекеттік мерекелер қатарына кірмейтіндіктен, оны демалыс деп жариялау «орынды емес» екенін мәлімдеді. Осыған байланысты азаматтарға жыл соңына дайындықты алдын ала жоспарлап қойған жөн.

 

2026 жылдың қаңтар айы қазақстандықтарды әрдайымғыдай ұзақ мерекелік демалыс кезеңімен қуантады. Демалыс күндерінің саны жұмыс режиміне байланысты өзгеріп отырады.

 

• 30–31 желтоқсан — жұмыс күндері

• 1–2 қаңтар — Жаңа жылға арналған демалыс

• 3–4 қаңтар — демалыс күндері

• 5–6 қаңтар — жұмыс күндері

• 7 қаңтар — Рождество мерекесіне арналған демалыс

 

• 30–31 желтоқсан — жұмыс күндері

• 1–2 қаңтар — мерекелік демалыс

• 3 қаңтар — жұмыс күні

• 4 қаңтар — демалыс

• 5–6 қаңтар — жұмыс күндері

• 7 қаңтар — Рождествоға арналған демалыс

 

Министрлік 2025 жылдың желтоқсанында және 2026 жылдың қаңтарында демалыс күндерін ауыстыру жоспарланбағанын атап өтті.