Қазақстандағы ең нашар жолдардың біріне жөндеу жүргізілетін болды

Көлік министрі Нұрлан Сауранбаев үкіметтегі брифингте еліміздің батыс аймақтарындағы жолдардың жөнделетінін айтты.

Ресми мәліметтерге сәйкес, жергілікті маңызы бар жолдарды дамытуға 2021 жылға дейін жыл сайын шамамен 130 млрд теңге бөлінсе, бүгінде бұл сома 300 млрд теңгеге дейін ұлғайтылған. Қаржының бір бөлігі Батыс Қазақстандағы жолдарды жөндеуге және кеңейтуге бағытталуда.

“Сіз білесіз, бұл қаржы бүкіл республиканың жолдарына, оның ішінде жергілікті органдарға қарасты учаскелерге де бөлінеді. Қазір батыстағы жолдарды реттеу жұмыстары жүріп жатыр. Жаңа стратегия аясында Маңғыстау мен Ақтөбе негізгі транзиттік тораптарға айналады. Жақын арада жергілікті тұрғындар мұның нақты нәтижесін көреді”, - деді Нұрлан Сауранбаев.

Автор: Әмір Жәнібек