$ 469.52 € 553.75 ₽ 6.15

Қазақстанда сатылған автокөліктердің 40%-ға жуығы қытайлық брендтер

Редакция
19 қаңтар 2026, 12:10
Қазақстанда сатылған автокөліктердің 40%-ға жуығы қытайлық брендтер Сурет авторы: Авто Mail

Қазақстандық автомобиль одағының (ҚАО) хабарлауынша, 2025 жылы Қазақстан Республикасында сатылған автокөліктердің 39%-ы қытайлық брендтер болған.


Жалпы, тұрғындар 234 852 жаңа жеңіл және коммерциялық көлік сатып алды. Бұл 2024 жылмен салыстырғанда 14,4%-ға артық. Сауданың ең қызған шағы екінші (сәуір – маусым) және төртінші (қазан – желтоқсан) тоқсандарға сәйкес келді. Бұл ретте желтоқсан айы осымен үшінші жыл қатарынан айлық сатылым бойынша рекорд орнатты.

«Желтоқсан айының қорытындысы бойынша сатылған әрбір 10 жаңа көліктің сегізі – отандық өндіріс өнімі. Жыл қорытындысы бойынша ең танымал топ-10 модельдің барлығы Қазақстанда шығарылған», – деді ҚАО президенті Анар Мақашева.

Автокөлік нарығында 75-тен астам марка болғанымен, жалпы сауданың басым бөлігі (80%-дан астамы) негізгі он брендке тиесілі. Сонымен қатар қытайлық автокөліктер нарықтың 39%-ын иеленіп, өткен жылғы көрсеткішін тұрақты сақтап қалды.

Көшбасшылар қатарында Hyundai, Chevrolet және Kia қала бермек, ал қытайлық брендтер арасында нарықтың айтарлықтай бөлігін иеленіп отырған Chery, Jetour, Haval және Changan ерекшеленеді.
Өткен жылдың қорытындысы бойынша Қазақстанның автомобиль өнеркәсібі сала тарихындағы рекордтық нәтижелер көрсетті. Елдегі автозауыттар 171 мыңнан астам көлік шығарды.

#Қазақстан автонарығы #Автомобиль саудасы #Қазақстандық автомобиль одағы #Анар Мақашева #Отандық автоөндіріс #Hyundai #Chevrolet #KIA #Қытайлық көліктер #Chery #Jetour #Haval #Changan #Рекордтық көрсеткіш #Жаңа автокөліктер #Автозауыттар #Жеңіл көліктер #Нарық үлесі #2025 жылғы автонарық

Соңғы жаңалықтар