Елімізде мешіттер құрылысы неге күрт артты?

2025 жылы елімізде 20 жаңа мешіт пайдалануға берілді. Бұл өткен жылмен салыстырғанда 54%-ға көп және соңғы 10 жылдағы ең жоғары көрсеткіш болып табылады. Бұл туралы «Бірінші кредиттік бюро» (ПКБ) хабарлайды.

Тарихи бақылау мәліметтері соңғы жылдары мешіттер құрылысының айтарлықтай өскенін көрсетеді: 2021-2025 жылдар аралығындағы жаңа нысандардың орташа саны алдыңғы бесжылдықпен салыстырғанда екі есеге жуық артқан (жылына 8,8 мешіттің орнына 17,4 мешіт).

«Сонымен қатар әр жылдары салынған мешіттерді бір-бірімен тікелей салыстыру мүмкін емес, өйткені олардың сыйымдылығы туралы ақпарат жарияланбайды. Алайда, жаңа ғибадатханалардың нақты құны туралы қолжетімді мәліметтер жанама салыстыру жасауға мүмкіндік береді. Сонымен, бізде қандай деректер бар?» - деп атап өтті ПКБ.

Бюроның мәліметінше, 2025 жылы қаржыландырудың номиналды сомасы алдыңғы жылмен салыстырғанда үш есеге жуық артып, 12,6 млрд теңгені құрады. Дегенмен бұл рекордтық көрсеткіш емес: мысалы, 2022 жылы қаржыландыру көлемі әлдеқайда жоғары болған – 118,8 млрд теңге. Оның 97%-ы (114,9 млрд теңге) Орталық Азиядағы ең үлкен мешіт ашылған елорданың үлесіне тиген болатын.

«Қазіргі уақытта пайдалануға берілген мешіттердің саны мен олардың нақты құны бойынша Қызылорда облысы көш бастап тұр – 11 мешіт, 9,7 млрд теңге. Өңір мұндай мәртебені екі жыл қатарынан сақтап келеді, ал 2021 жылға дейін бұл аймақта мешіттерді пайдалануға беру дерегі дерлік болмаған. Қызылорда облысынан бөлек, 2025 жылы тағы төрт облыста мешіттер ашылды: Батыс Қазақстан, Ақтөбе, Жамбыл және Ақмола облыстары», - деп түйіндеді ПКБ.