$ 469.52 € 553.75 ₽ 6.15

Астанада жасанды интеллекті бар MISSO хирургиялық роботы іске қосылды

Редакция
19 қаңтар 2026, 10:07
Астанада жасанды интеллекті бар MISSO хирургиялық роботы іске қосылды Сурет авторы: Screenshot healthcare gov.kz

ҚР Денсаулық сақтау министрлігінің хабарлауынша, заманауи жабдық Астанадағы академик Н.Д. Батпенов атындағы Ұлттық ғылыми травматология және ортопедия орталығына берілді.

MISSO -  бұл оталарды жоспарлау мен өткізу үшін жасанды интеллект алгоритмдерін қолданатын «ақылды хирургиялық ассистент». Ол дәрігерлерге хирургиялық араласуды жоғары дәлдікпен орындауға көмектеседі, асқыну қаупін азайтады және әсіресе буындарды эндопротездеу кезінде емдеудің бірыңғай стандарттарын қамтамасыз етеді.

Роботты табыстау рәсіміне Үндістанның Қазақстандағы елшісі Сайлас Тангал қатысты. Ол Қазақстан мен Үндістан арасындағы медициналық технологиялар саласындағы ынтымақтастықтың нығайып келе жатқанын атап өтіп, алдағы уақытта тәжірибе алмасуға дайын екенін білдірді.


«MISSO жүйесін енгізу хирургиялық араласулардың дәлдігін арттыруға және жоғары технологиялық ортопедиялық көмектің мүмкіндіктерін кеңейтуге мүмкіндік береді», - деді ҰҒТО директоры Олжас Бекарисов.


Қазақстанда жыл сайын эндопротездеу бойынша 18 мыңға жуық ота жасалады, алайда бұл бағыттағы қажеттілік 120 мыңнан асады.

#MISSO роботы #Жасанды интеллект #Медициналық технологиялар #Травматология #Ортопедия #Хирургиялық ассистент #Эндопротездеу #Денсаулық сақтау министрлігі #Олжас Бекарисов #Медицинадағы ИИ #Жоғары технологиялық көмек #Қазақстан мен Үндістан #Сайлас Тангал #Хирургиялық ота #Буын аурулары #Инновациялар #Денсаулық сақтау #Медициналық жабдықтар

Соңғы жаңалықтар