Ақтөбеде пакеттен жаңа туған сәби табылды

Ақтөбе қаласында пакет ішінен жаңа туған сәби табылды. Бұл туралы Ақтөбе облыстық полиция департаменті хабарлады.

Ведомство мәліметінше, оқиға 23 мамыр күні тіркелген. Пакеттің ішінен табылған нәрестені полиция қызметкерлері дер кезінде медициналық мекемеге жеткізген.

Қазіргі уақытта сәби дәрігерлердің бақылауында.

Полиция баланың анасын анықтау үшін жедел-іздестіру шараларын жүргізіп жатыр.

Оқиғаның барлық мән-жайы анықталуда.