Жыл сайын Қазақстанда 600-ден астам әйел жатыр мойны обырынан қайтыс болады

Қазақстанда жыл сайын мыңнан астам әйелге осы диагноз қойылады. Өкінішке қарай, олардың 20–30 пайызы медициналық көмекке тым кеш жүгінеді. Соның салдарынан ауру асқынып, емдеуді қиындататын жоғары сатыға жетеді.

Қазіргі таңда Адам папилломасы вирусы кең таралған. Бұл вирус теріні және дененің әртүрлі бөліктерінің шырышты қабықтарын зақымдайды. Вирус тез таралуға қабілетті, соның салдарынан қатерлі ісік дамытуымен қауіпті болып отыр.

Бұл аурудың алдын алу үшін вакцинация енгізілді.

Адам папиллома вирусына қарсы вакцина 15 жылдан астам уақыт бойы пайданылып келеді. Дүниежүзінде 135 ел ВПЧ вакцинациясын ұлттық егу күнтізбесіне енгізген.

Австралия, Ұлыбритания, Германия, Дания, Норвегия, АҚШ, Швеция, Швейцария сияқты вакцинацияны ерте бастаған елдер нақты нәтижелер көрсетіп отыр: Қауіпті ВПЧ-16 және ВПЧ-18 түрлерімен жұқтыру 80% төмендеген.

Елімізде 2024 жылғы күзден бастап 11 жасар қыз балаларға АПВ ға қарсы вакцинация жүргізілген болатын. Сондай-ақ елімізде 11-13 жас аралығындағы қыз балаларға вакцина салдырту тегін.

«Қазіргі таңда ВПЧ жұқтыру қаупі жыл сайын өсіп отыр. Әсіресе Батыс пен Солтүстік аймақтарда вакцина алу деңгейі төмен күйде қалып отыр. Бұл жағдай алдағы жылдары вирустың таралуын күшейте түсуі мүмкін», – деп атап өтті Вакцинамен басқарылатын инфекцияларды бақылау басқармасының басшысы Нуршай Юсунтаева.

Анель Ғалымжанқызы