Жыл басынан бері жалған терроризм үшін 30-дан астам адам жазаланған

Департамент бастығы-ІІМ ресми өкілі Шыңғыс Алекешевтің мәліметінше жыл басынан бері жалған терроризм бойынша 168 қылмыстық іс қозғалып, 31 адам ұсталды, оның ішінде 12 кәмелетке толмаған балалар бар. 13 адам сотталған, оның екеуі жасөспірім. Алты ата-анаға айыппұл салынған.

Ол әрбір жалған сын-қатер бейбіт тұрғындар арасындағы дүрбелең, маңызды кәсіпорындардың жұмысын тоқтату екенін атап өтті.

Терроризм актісі туралы көрінеу жалған хабарлағаны үшін 5000 АЕК-ке дейінгі айыппұл және бес жылға дейінгі мерзімге бас бостандығынан айыруға дейін жаза қарастырылған. “Бұл қылмыс үшін 14 жасқа толған адамдар қылмыстық жауапкершілікке тартылады. Егер кәмелетке толмағанның жасы 14 жастан аспаса, онда бұл жағдайда оның ата - анасы балаларды тәрбиелеу бойынша шаралар қолданбағаны үшін жауапқа тартылады", - деп толықтырды ІІМ өкілі.