Жүргізуші куәлігін алу ережелері өзгерді

Енді жүргізуші куәлігін алуға үміткер екі факторлы аутентификациядан өтуі керек. Тестілеу алдында болашақ жүргізуші ЭЦҚ көмегімен авторизациядан өтуі керек. Әрі қарай, 1414 қызметінен жеке деректерге қол жеткізуді сұрайтын хабарлама алады. SMS электрондық үкімет порталының жеке кабинетінде тіркелген телефон нөміріне келеді.

Сәтті авторизациядан кейін үміткер биометриялық сәйкестендіруден өтуі керек.

"Күн сайын алаяқтар алдаудың жаңа тәсілдерін ойлап табады. Екі факторлы аутентификация емтихандардағызаң бұзушылықтар санын азайтуға көмектесетініне сенімдімін. Бұл ретте, көрсетілетін қызметті алушының дербес деректері сенімді қорғалатын болады", - деді “Азаматтарға арналған үкімет” мемлекеттік корпорациясының Басқарма төрағасы Арман Кенжеғалиев.

Бұл ереже 11 қазаннан бастап әзірге тек елордада күшіне енеді. Қалған мамандандырылған ХҚКО-ларда енгізуді жыл соңына дейін аяқтау жоспарлануда.

Екі факторлы аутентификация - адамды сәйкестендіру әдісі, онда жеке басын растау екі жолмен қарастырылған: SMS арқылы және биометриялық сәйкестендіру арқылы.