$ 455.4 € 526.99 ₽ 5.25

Жұлдыз Сүлейменова Оқу-ағарту министрі қызметінде қалды

Абдрахманов Мағжан
03 қыркүйек 2026, 12:00
Жұлдыз Сүлейменова Оқу-ағарту министрі қызметінде қалды Сурет авторы: parlam.kz

Президент Қасым-Жомарт Тоқаевтың жарлығымен Жұлдыз Сүлейменова Қазақстанның Оқу-ағарту министрі болып қайта тағайындалды. Бұған дейін оның кандидатурасын Құрылтайдың Әлеуметтік-мәдени даму комитеті мақұлдаған.

43 жастағы Жұлдыз Сүлейменова Оқу-ағарту министрлігін 2025 жылғы қыркүйектен бері басқарып келеді. Министр болып тағайындалғанға дейін ол Парламент Мәжілісінің VII және VIII шақырылымдарының депутаты болған, Әлеуметтік-мәдени даму комитетінің құрамында жұмыс істеген. Сондай-ақ «AMANAT» партиясы фракциясы жетекшісінің орынбасары қызметін атқарған.

Бұған дейін «Назарбаев Зияткерлік мектептері» дербес білім беру ұйымында түрлі қызмет атқарған. 2017–2019 жылдары Зияткерлік мектептерді дамыту департаментінің директоры, кейін Алматыдағы физика-математика бағытындағы Зияткерлік мектептің директоры болған.

Жұлдыз Сүлейменова әл-Фараби атындағы Қазақ ұлттық университетінде тарих мамандығы бойынша бакалавр дәрежесін алған. Кейін осы оқу орнында философия және саясаттану бағыты бойынша магистратура мен докторантураны тәмамдаған.

#Оқу-ағарту министрі

Соңғы жаңалықтар