Жетісу облысында жер сілкінісі тіркелді

Жетісу облысында 31 наурыз күні жер сілкінісі тіркелді, деп хабарлады Төтенше жағдайлар министрлігі.

Ведомство мәліметінше, жерасты дүмпулері сағат 11:11-де тіркелген. Жер сілкінісінің ошағы Алматы қаласынан солтүстік-шығысқа қарай 273 шақырым жерде, Қазақстан аумағында орналасқан. Магнитудасы 5,4 болған зілзала 10 шақырым тереңдікте болған.

Есептік қарқындылығы Жаркент пен Текелі қалаларында, сондай-ақ Жансүгіров ауылында 2 баллды құрады.

Алдын ала мәлімет бойынша, зардап шеккендер мен қираулар тіркелмеген.