Жапаров президенттік орнын Ташиевке бергісі келгенін айтты (ВИДЕО)

Қырғызстан президенті Садыр Жапаров бастапқыда 2027 жылғы президент сайлауына қатыспай, президенттікке Ұлттық қауіпсіздік мемлекеттік комитетінің бұрынғы төрағасы Қамшыбек Ташиевтің түсуін жоспарлағанын айтты. Бұл туралы ол журналист Әли Тоқтақұновқа берген сұхбатында мәлімдеді.

Жапаровтың айтуынша, бұл жоспарын Ташиевтің өзіне де бір жыл бұрын айтқан.

«Егер Қамшы дайын болса, мен 2027 жылғы президент сайлауына екінші рет түспеймін деп ойладым. Қамшы президент болар еді, ал мен демалысқа кетер едім. Осындай жоспарым болған. Мұны бір жыл бұрын өзіне де айттым», – деді Жапаров.

Қырғызстан президентінің сөзінше, ол Ташиевке «айналасындағы адамдарды тазалап, өз адамдарын тәрбиелеу» қажет екенін ескерткен. Алайда кейін оның президент болуға дайын емес деген қорытындыға келген.

«Кейін қарасам, ол дайын емес. Қызметкерлері өздерін тиісінше ұстамайды, айналасындағы адамдар көкке көтеріліп кеткен. 75 ақсақалдың хаты пайда болып, парламентті генералды қолдайтындар деп бөле бастаған кезде оны шақырып алып: "Бұлай болмайды. Адамдарды бөлуге болмайды. Мен халықты солтүстік пен оңтүстікке бөлетіндерді қатаң жазалаймын, өйткені ел енді ғана біріге бастады. Сондықтан ренжіме, сені қызметтен аламын. Егер сайлауға түссең, оған барлық жағдайды жасап беремін", – дедім», – деді Жапаров.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от QRNews (@qrnews.kz)