Жаңа жұмыс кестесі кептелісті азайтты ма?

Қыркүйектің ортасынан бастап Астанада бірқатар мемлекеттік мекемелер жаңа жұмыс кестесіне көшті. Кептелістер толық жойылмаса да, әкімдік пилоттық жоба таңғы уақытта кейбір бағытта жүктеменің азайғанын және орташа жол жүру уақытының қысқарды, деп хабарлайлды Tengrinews.

Қала әкімінің айтуынша, өзгеріс әсіресе көпірлерге апаратын негізгі көшелерде байқалған. Әкімдік дерегіне сәйкес, қозғалыс жеңілдеген бағыттар қатарында Қабанбай батыр даңғылы, Тұран даңғылы, Қонаев пен Сарайшық көшелері ауданы, сондай-ақ Республика даңғылы бар.

Көлік басқармасының мәліметінше, жаңа кесте көлік ағынын қарбалас сағаттарда қайта бөлуге мүмкіндік берген. Соның нәтижесінде сол жағалаудағы жекелеген учаскелерде таңғы жүктеме азайып, жол желісі тұрақтырақ жұмыс істей бастаған.

Жаңа кестеге көшкен қызметкерлердің көбі таңертең айқын кептелістердің жоқ екенін және жұмыс күнін ертерек аяқтауға мүмкіндік туғанын айтады. Бұл олардың жеке уақытына оң әсер еткен.

Әкімдік пилоттық жобаның тиімділігін бақылауды жалғастырып жатыр. Егер оң нәтиже сақталса, дифференцияланған жұмыс кестесін басқа ұйымдарға да енгізу мәселесі қарастырылады.