Жаңа Салық кодексі: өзін-өзі жұмыспен қамтығандар БЖЗҚ-ға қанша төлейді?

1 қаңтардан бастап Қазақстанда Салық және Әлеуметтік кодекстерге енгізілген өзгерістер күшіне енеді. Өзін-өзі жұмыспен қамтығандар үшін міндетті зейнетақы жарналары қарастырылған арнайы салық режимдері енгізілуде, деп хабарлайды inform buro.

Негізгі үш режим бойынша төлемдер төмендегідей бөлінеді:
1. Жеке жұмыс істейтіндерге (АСР): Егер сіздің қол астыңызда жұмысшылар болмаса және табысыңыз айына 300 АЕК-тен (шамамен 1 млн теңгеден) аспаса, онда сізге жеңілдетілген режим қолданылады. Бұл жағдайда зейнетақы жарнасы (МЗЖ) бар болғаны 1% және жұмыс берушінің жарнасы (ЖМЗЖ) тағы 1% болады. Төлемді арнайы қосымша арқылы немесе тапсырыс беретін онлайн-платформа (мысалы, Яндекс, Glovo т.б.) арқылы төлеуге болады.
2. Оңайлатылған декларация (ИП мен ЖШС): Егер кәсіпкерлігіңіз ауқымдырақ болса, зейнетақы жарнасы табыстың 10%-ын құрайды. Оған қоса, жұмыс беруші ретінде төленетін жарна 2026 жылы 3,5%-дан басталып, 2028 жылға қарай 5%-ға дейін біртіндеп көтеріледі.
3. Ауыл шаруашылығы (Шаруа қожалықтары): Жері бар фермерлер де табысының 10%-ын зейнетақы қорына аударады. Жұмыс беруші жарнасының мөлшерлемесі де жоғарыдағыдай (3,5% — 5% аралығында) өсіп отырады.

Барлық зейнетақы жарналары табыс алынған айдан кейінгі айдың 25-іне дейін төленуі тиіс.

Бұл жүйенің басты пайдасы - адамның ресми жұмыс өтілі есептеледі және болашақта БЖЗҚ-дан лайықты зейнетақы алуға мүмкіндік береді.