Жаңа Конституция: референдум қорытындысы белгілі болды

Орталық референдум комиссиясы (ОРК) еліміздегі жаңа Конституцияны қабылдау бойынша өткен бүкілхалықтық дауыс берудің қорытындысын жариялады. Ресми мәліметтерге сүйенсек, жаңа Ата заңды қабылдауды 7 954 667 азамат қолдаған, бұл дауыс берушілердің 87,15 пайызын құрайды. Ал 898 099 адам қарсы екенін білдірген. ОРК хабарлауынша, референдум толықтай өтті деп есептеледі, өйткені дауыс беруге құқылы азаматтардың 73,12 пайызы өз таңдауын жасап үлгерген.

Заң бойынша, егер қатысушылардың жартысынан астамы және облыстар мен республикалық маңызы бар қалалардың үштен екісінде оң шешім қабылданса, Конституция қабылданған болып саналады. Бұл межеден Қазақстан сенімді түрде өтті. Саяси науқан барысында азаматтардың белсенділігі жоғары болды: сағат 14:00-де қатысушылар саны 51,93%-ға жетсе, сағат 20:00-де учаскелер жабылған сәтте 9 126 850 адам дауыс беріп, жалпы көрсеткіш 73,24%-ды көрсетті. Референдумның түпкілікті нәтижелері 2026 жылдың 21 наурызына дейін жарияланады деп күтілуде.

Мемлекет басшысы Қасым-Жомарт Тоқаев отандастарын жаңа Конституцияның қабылдануымен құттықтап, бұл маңызды қадамның ең жоғары деңгейде, ашық әрі әділ өткенін мәлімдеді. Президенттің айтуынша, бұл оқиға — ел демократиясының жаңа белесі.