Жаңа Конституция бойынша референдум бюджетке қаншаға түседі?

Қазақстанда жоспарланған жаңа Конституция бойынша референдум өткізуге жұмсалатын қаржы көлемі алдыңғы дауыс берулерден асып түсуі ықтимал. Бұл туралы Қаржы вице-министрі Дәурен Темірбеков мәлімдеді. Kursiv.media соылай деп хабарлады.

Шығындар неге артады?

Министрліктің мәліметінше, бюджеттің өсуіне бірнеше фактор әсер етпек:

• Халық санының өсуі: Сайлаушылар санының артуына байланысты көбірек дауыс беру учаскелері мен қызметкерлер қажет болуы мүмкін.

• Инфляция: Тауарлар мен қызметтер құнының өсуі де жалпы шығындарға әсер етеді.

• Еңбекақы: Референдум шығындарының 70–80%-ы комиссия мүшелерінің жалақысына жұмсалады.

Салыстырмалы деректер

Бұған дейінгі маңызды дауыс берулердің құнын мынадай болған:

• АЭС бойынша референдум: 15,5 млрд теңге;

• 2022 жылғы Конституциялық түзетулер: 16,4 млрд теңгеден астам.

Референдумды өткізуге қажетті қаражат Үкімет резервінен бөлінеді деп жоспарланған.