Жамбыл облысының әкімдігі тойға кететін шығындарды азайтуға ниетті

Жамбыл облысының әкімі Ербол Қарашөкеев аймақтағы тұрғындардың тойға кететін шығындарын азайтуды көздеп отыр. ОКҚ-да өткен брифингте әкім апта сайын аймақтағы тойларға шамамен 25 мың адам қатысатынын айтты.

"Барлық асабаны жинап, оларға арнайы кодекс пен ереже әзірледік. Мақсат – той өткізу процесін реттеу, ысырапшылдыққа жол бермеу. Менің ойымша, ата-аналар ақшаны жастарға көмек ретінде жинап бергені дұрыс болар еді", – деді Қарашөкеев.

Әкімнің айтуынша, бұл мәселені ішкі саясатқа жауапты әкім орынбасары қадағалап отыр.