Жамбыл облысындағы әскери бөлімдердің бірінде қарауыл бастығы оққа ұшып, қаза тапты.
Әлеуметтік желілерде тараған ақпаратқа сәйкес, 15 наурызда қарауылдың үшінші бекетінде ведомстволық күзет қызметкері карабиннен абайсызда оқ атып, қарауыл бастығын жаралаған.
Жараланған ер адам ауыр жағдайда әскери госпитальға жеткізілген. Алайда дәрігерлер оның өмірін сақтап қала алмады.
Алдын ала мәлімет бойынша, оқиғаға қатысқан екі адам да әскери қызметші емес, азаматтық қызметкерлер болған.
ІІМ Әскери-тергеу департаменті Zakon.kz тілшісіне оқиға бойынша сотқа дейінгі тергеу басталғанын хабарлады. Оқиғаның мән-жайы анықталып жатыр.
