Жамбыл облысында жер сілкінді: кей ауданда 6 баллға дейін сезілді

Жамбыл облысында 8 шілде күні сағат 14:30-да жер сілкінісі тіркелді. Бұл туралы Төтенше жағдайлар министрлігі хабарлады.

Сейсмологтардың мәліметінше, зілзаланың эпицентрі Қазақстан аумағында, Алматы қаласынан 334 шақырым оңтүстік-батыста орналасқан.

Жер сілкінісінің сезілу деңгейі келесідей болды:

• Құлан ауылында – 6 балл;

• Меркі ауылында – 5 балл;

• Шу қаласында – 3 балл;

• Сарыкемер, Төле би ауылдары және Тараз қаласында – 3 балл;

• Аса, Мойынқұм, Қордай, Бауыржан Момышұлы ауылдары, Қаратау және Тұрар Рысқұлов ауылдарында – 2 балл.

Қазіргі уақытта адамдардың зардап шеккені не ғимараттардың қирағаны жөнінде ақпарат жоқ.

Төтенше жағдайлар министрлігі жағдайды бақылауға алу үшін жедел штаб құрғанын мәлімдеді. Азаматтар келесі жедел желі нөмірлері арқылы хабарласа алады:

• ҚР ТЖМ командалық орталығы – 8 (7172) 55-96-21;

• Жамбыл облысы ТЖД – 8 (7262) 51-41-67.