Жамбыл облысында жаңбыр суы 700-ге жуық малды ағызып әкетті

17 шілдеде Жамбыл облысының Қордай ауданында жаңбыр жауып, дауыл соқты. Күн райының қолайсыздығынан ондаған үй жарық пен газсыз қалды, жүздеген малды су ағызып әкетті. Бұл туралы Жамбыл облысының әкімдігі хабарлады.

Жаңбыр жаңбыр суының тау беткейлерінен түсуіне түрткі болды. Шаруа қожалығының аумағынан 671 қой мен 10 жылқы суға ағып кеткен. Оқиғаны арнайы комиссия қарап жатыр.

Оқиға орнына жергілікті атқарушы органдар мен өңірлік төтенше жағдайлар департаментінің қызметкерлері жетті.

Сондай-ақ су ағынынан "Соғанды-Бетқайнар" автожолындағы көпір бүлінген.

Беріктас ауылында қатты жел салдарынан 18 жастағы тұрғынға ескі сарайдың қабырғасы құлағаны анықталды. Ол аудандық ауруханаға жатқызылды.

"Күн райының қолайсыздығы салдарынан бірқатар елді мекенде уақытша электр желілерінің үзілуі орын алды. Авариялық қызметтер барлық шақыруларға жедел шығып, электр желілерін қосу шараларын атқарды. Қазіргі уақытта Соғанды ауылында ғана 65 үйді электрмен жабдықтау жұмыстары жалғасуда. 219 үй мен 2 әлеуметтік нысан газдан ажыраған. "ҚазТрансГазАймақ" АҚ ЖОФ (5 адам және 1 бірлік техника) қалпына келтіру жұмыстарын жүргізуде. Күн райына байланысты газға қайта қосу шаралары 18 шілдеге жоспарлануда", – делінген әкімдік хабарламасында.

Қордай ауданындағы жағдай Жамбыл облысы әкімінің жеке бақылауында.