Жамбыл облысында ер адамға өмір бақи түрме жазасы тағайындалды

Жамбыл облыстық соттарының баспасөз қызметінің хабарлауынша, мамандандырылған ауданаралық қылмыстық істер жөніндегі сот ер адамды кәмелетке толмаған қызына сексуалдық сипаттағы зорлық-зомбылық көрсеткені үшін айыпты деп таныды.

Сот материалдарына сәйкес, биыл сәуір айында Қордай ауылында айыпталушы мас күйінде 2019 жылы туған қызын зорлаған.

Сот үкімі бойынша Ж. ҚР Қылмыстық кодексінің 121-бабы 4-бөлігі («Кәмелетке толмағанға қатысты сексуалдық сипаттағы зорлық-зомбылық») бойынша кінәлі деп танылып, өмір бойына бас бостандығынан айырылды.

Айыпталушы өз кінәсін толық мойындады. Сот оның жасаған ісіне өкініш білдіргенін жеңілдететін мән-жай ретінде есептеді. Ал ауырлататын мән-жайлар анықталмаған.

Сонымен қатар жәбірленушінің пайдасына 5 млн теңге көлемінде моральдық шығын өндіру туралы шешім шығарылды.