$ 539.49 € 627.7 ₽ 6.75

Жалған құжатпен тіркеу: 77 жүк көлігі заңсыз рәсімделген

Редакция
07 тамыз 2025 11:32 141
Ақтөбе облысында жүк көліктерін жалған құжаттармен заңсыз тіркеген қылмыстық топтың әрекеті әшкереленді.
Жалған құжатпен тіркеу: 77 жүк көлігі заңсыз рәсімделген Сурет авторы: www.rbauto.ru/

Қаржылық мониторинг агенттігінің, Ақтөбе облысы бойынша департаменті прокуратураның үйлестіруімен жалған құжаттарды пайдаланып, жүк көліктерін заңсыз тіркеумен айналысқан ұйымдасқан қылмыстық топтың әрекетін тоқтатты. Қылмыстық топ мүшелері мемлекетке 740 миллион теңге көлемінде залал келтірген.

Ұйымдасқан топтың қатысушылары қолдан жасалған сатып алу-сату шарттары мен көлік құралдарын тексеру актілерін пайдаланып, сондай-ақ «Автопоиск» ақпараттық жүйесіне шындыққа сәйкес келмейтін мәліметтерді енгізу арқылы 77 жүк көлігін (седельный тягач) бастапқы тіркеуден өткізген.

Бұл тіркеулер Ақтөбе, Атырау қалаларында және Батыс Қазақстан облысында жүргізіліп, салық заңнамасымен белгіленген рәсімдер әдейі айналып өтілген.

Мемлекетке келтірілген жалпы шығын бастапқы тіркеу үшін төленбеген алымдар түрінде 740 миллион теңгеден асты.

 

Автор: Бекарыс Сейдахмет

 

#Қылмыс #АФМ

Соңғы жаңалықтар