Зейнетақы жинағын ипотекаға пайдалану ережесі өзгерді

Қазақстанда зейнетақы жинағының артық бөлігін ипотеканы өтеуге пайдалану ережесіне өзгерістер енгізілді, деп хабарлады Отбасы банк. Жаңа талаптар 17 сәуірден бастап күшіне енеді.

Банк мәліметінше, енді зейнетақы қаражаты арқылы ипотекалық несиені ішінара немесе толық мерзімінен бұрын өтеу кезінде тек негізгі қарызды жабуға болады. Ал сыйақы мен өзге де төлемдер қарыз алушының жеке қаражаты есебінен төленуі тиіс.

Сонымен қатар ипотеканы өтеу үшін зейнетақы төлемдерін пайдалану кезінде enpf-otbasy.kz платформасына жаңа үлгідегі анықтама жүктеу қажет. Бұл құжатта несие бойынша негізгі қарыздың қалдығы көрсетілуі тиіс.

«Отбасы банк» екінші деңгейлі банктерге осындай анықтамаларды клиенттерге беру қажеттігі туралы ресми хат жолдағанын мәлімдеді.