Зеленскийдің ұшағына дрон тие жаздаған

Украина президенті Владимир Зеленский Кишиневтен Ослоға ұшып бара жатқанда оның ұшағына дроннан қауіп төнген. Бұл туралы Норвегия премьер-министрі Йонас Сторе мәлімдеді, деп хабарлады NRK телеарнасы.

Зеленский Норвегияға король V Гарольдті жерлеу рәсіміне қатысу үшін барған. Сапар барысында ол Йонас Сторемен, Норвегияның қаржы министрімен және НАТО-ның бұрынғы бас хатшысы Йенс Столтенбергпен кездесті.

NRK арнасына берген сұхбатында Сторе Зеленскийдің өзімен әңгіме кезінде ұшағы жолда «қауіпке ұшырағанын» айтқанын растады. Ақпаратта ұшақ пен дронның қаншалықты жақын болғаны және оқиғаның нақты қай жерде болғаны айтылмайды.

Зеленский кеңсесі NRK телеарнасының президент ұшағына қатысты сауалдарына жауап бермеген.

Бұған дейін, 8 қыркүйекте Молдова Қорғаныс министрлігі «Шахед» үлгісіндегі ресейлік дрон елдің әуе кеңістігін бұзып, Старые Михайляны ауылы маңына құлағанын хабарлаған. Министрлік мәліметінше, дрон Молдова аумағына жергілікті уақыт бойынша шамамен 16:20-да кірген. Оқиғадан ешкім зардап шеккен жоқ.

Әзірге осы дрон мен Зеленский мінген ұшаққа төнген қауіптің арасында байланыс бар-жоғы туралы ресми ақпарат жоқ.