YouTube арқылы чемпион болған спортшы: Джулиус Йегоның таңғаларлық жолы

Кениялық найза лақтыру шебері - Джулиус Йего спорт тарихындағы ең ерекше тұлғалардың бірі. Оның оқиғасы мотивация, табандылық және технологияның мүмкіндіктерін тиімді пайдаланудың жарқын мысалы. Спорт әлемінде оны жиі «YouTube Man» деп атайды. Себебі ол бұл өнерді кәсіби жаттықтырушысыз, тек интернеттегі бейнелер арқылы үйренген.

Йего Кенияның ауылдық аймағында, Элдорет қаласына жақын маңда өсті. Бала күнінде ол найза лақтыруға қызығып, Олимпиададағы видеоларды YouTube-тен қарап, техникаларды өздігінен үйрене бастаған. Оның айтуынша:

“Мен өз елімде ешкімнен көмек сұрай алмадым, сондықтан YouTube көмектесті. Мен әлемнің үздік спортшыларын қарап, өз техникамды соған ұқсатуға тырыстым.”

Ол жаттығу үшін тіпті дұрыс найза таба алмай, кейде ағаш таяқпен немесе ескі найзалармен жаттыққан.

Йего көбінесе Торкельдсен (Норвегиялық атақты найза лақтырушысы) секілді спортшылардың видеоларын қарап, олардан көп нәрсе үйренді. Ол жаттығу техникасын, жылдамдықты, қол бұлшықетін қолдану тәсілдерін интернеттегі бейнелерден үйреніп, күн сайын қайталап машықтанған.

🏅 Спорттағы жетістіктері:
- Африка чемпионатының 4 дүркін чемпионы;
- 2015 жылы Бейжіңде өткен жеңіл атлетикадан әлем чемпионатында алтын медаль алып, найза лақтыруда 92.72 метр нәтижесімен әлем рекордына жақындады;
- 2016 жылы Рио-де-Жанейро Олимпиадасында күміс жүлде иеленді;
- 92,72 метрмен қазірге дейін бұзылмаған Африка рекордын орнатқан.

Қазірде Йего кениялық спортшыларды дайындаумен айналысады және Токиодағы әлем чемпионатына қатысуға да ниетті.

Автор: Әмір Жәнібек